මැද­පෙ­ර­දිග අර්බු­දය හමුවේ ඉන්ධන සහ ගෑස් ආන­ය­න­යේදී මතුවිය හැකි අවි­නි­ශ්චිත තත්ත්ව­යන්ට මුහුණ දීම සඳහා අස­ර්බ­යි­ජා­නය සමඟ ගිවි­සු­මක් අත්සන් කිරී­මට ශ්‍රී ලංකාව සූදා­නම් වේ. මීට අදාළ මූලික සාකච්ඡා පසු­ගි­යදා එරට සංචා­ර­යක නිරත වූ විදේශ කට­යුතු, විදේශ රැකියා සහ සංචා­රක ඇමැති විජිත හේරත් විසින් අස­ර්බ­යි­ජාන ජනා­ධි­පති ඉල්හාම් අලි­යෙව් සහ සම්පූ­ර්ණ­යෙන් රජයේ පාල­නය යටතේ ක්‍රියා­ත්මක එරට රාජ්‍ය තෙල් සමා­ගමේ (SOCAR – State Oil Company of the Azerbaijan Republic) සභා­පති රොව්ෂාන් නජාෆ් සමඟ පවත්වා ඇත.

තෙල් සහ ගෑස් සැප­යු­මට අම­ත­රව ද්විපා­ර්ශ්වික වෙළෙ­ඳාම, ආයෝ­ජන, සංචා­රක කර්මා­න්තය සහ බල­ශක්ති ක්ෂේත්‍රයේ සෙසු ආයෝ­ජන අවස්ථා සම්බ­න්ධ­යෙන්ද මේ සාක­ච්ඡා­ව­ලදී අව­ධා­නය යොමු කර තිබේ.

ආසි­යාවේ අන්තර් ක්‍රියා­කා­රි­ත්වය සහ විශ්වා­සය ගොඩ­නැ­ඟීමේ පිය­වර පිළි­බඳ 7 වැනි සමු­ළු­වට (CICA – Conference on Interaction and Confidence-Building Measures in Asia) මෙරට විදේශ කට­යුතු ඇමැ­ති­ව­රයා අස­ර්බ­යි­ජා­නයේ බාකු නුව­රදී පසු­ගිය 14 සහ 15 දෙදින සහ­භාගි විය. ඒ සමු­ළුවේ 2026 – 2028 සභා­පති ධුරය දර­න්නේද අස­ර්බ­යි­ජා­න­යයි.

විජිත හේරත් ඇමැ­ති­ව­රයා සමඟ පැවැති සාක­ච්ඡාව සම්බ­න්ධ­යෙන් අස­ර්බ­යි­ජාන් රාජ්‍ය තෙල් සමා­ගමේ වෙබ් අඩ­වියේ දක්වා ඇත්තේ බල­ශක්ති ක්ෂේත්‍ර­යේදී සමා­ගම සහ ශ්‍රී ලාංකික සමා­ගම් අතර සහ­යෝ­ගි­තාව වර්ධ­නය කර­ගැ­නීම සහ ඊට අදාළ කරුණු කෙරෙහි මෙහිදී වැඩි අව­ධා­න­යක් යොමු කළ බවයි. 2026 ජන­වාරි සිට සැප්තැ­ම්බර් දක්වා කාලය තුළ අස­ර්බ­යි­ජා­නයේ සමස්ත තෙල් නිෂ්පා­ද­නය ටොන් මිලි­යන 19.9ක් බව එරට බල­ශක්ති අමා­ත්‍යාංශ වාර්තා පෙන්වා දෙයි. රාජ්‍ය තෙල් සමා­ගම එයින් ටොන් මිලි­යන 5.1ක් නිෂ්පා­ද­නය කර තිබේ.

අස­ර්බ­යි­ජාන බල­ශක්ති අමා­ත්‍යාං­ශයේ රාජ්‍ය සංඛ්‍යා­ලේ­ඛන කමිටු වාර්තා­ව­ලට අනුව, 2026 වසරේ මුල් මාස 9 තුළ එරට ස්වාභා­වික ගෑස් නිෂ්පා­ද­නය කියු­බික් මීටර් බිලි­යන 37.9කි. එරට තුන්වැනි ස්වාභා­වික ගෑස් නිෂ්පා­ද­කයා වන්නේද රාජ්‍ය තෙල් සමා­ග­මයි. ඉතා­ලිය, තුර්කිය, රුසි­යාව, ග්‍රීසිය යන රට­ව­ල්ව­ලට ඔවුන් වැඩි­යෙන්ම තෙල් සහ ගෑස් අප­න­ය­නය කරන අතර, දකුණු ආසි­යානු කලා­පයේ ඉන්දි­යා­වට පම­ණක් දැනට අස­ර්බ­යි­ජා­නය තෙල් සහ ගෑස් අලෙවි කරයි.

(උපුටාගැනීම – සිළුමිණ පුවත්පත)