October 12, 2026
රටක ජනතාවගේ ජීවන වියදම මනිනු ලබන්නේ උද්ධමනයෙන් බවත්, උද්ධමනය පාලනය කිරීමට යොදාගන්නා ඉලක්කම් හුදෙක් තාක්ෂණික උපක්‍රමයක් පමණක් බවත් එක්සත් ජාතික පක්ෂයේ හිටපු නියෝජ්‍ය නායක, පාර්ලිමේන්තු මන්ත්‍රී රවී කරුණානායක පවසයි.
ඔහු පෙන්වා දෙන්නේ හුදෙක් සංඛ්‍යාලේඛන හෝ අංක මගින් පමණක් ජනතාවගේ ජීවන තත්ත්වය උසස් කළ නොහැකි බවයි.
උද්ධමනය අඩු වී ඇති බව පැවසූවත්, භාණ්ඩ හා සේවා මිලදී ගැනීමේ හැකියාව තවදුරටත් දුර්වල මට්ටමක පවතී නම්, සංඛ්‍යාලේඛන මගින් අගයන් අඩුවීමෙන් ආර්ථිකයට ලැබෙන සාධනීය ප්‍රතිපලයක් නොමැති බවත් ඔහු ප්‍රකාශ කළේය.
ජනතාවට තවදුරටත් ජීවන වියදම දරා ගැනීමට නොහැකි නම් සහ ජීවන තත්ත්වයේ කිසිදු වර්ධනයක් සිදු වී නොමැති නම්, ‘උද්ධමනය අඩු වී ඇතැයි’ කියන ප්‍රකාශවල පදනම කුමක්දැයි විමසා සිටින මන්ත්‍රීවරයා, මෙවැනි වාචික ප්‍රකාශ වෙනුවට පවතින ආර්ථික ක්‍රමයේ අඩුපාඩු හඳුනාගෙන ඒවා නිවැරදි කිරීමට වහා පියවර ගත යුතු බව වැඩිදුරටත් යෝජනා කරයි.
