April 7, 2026
ඩොනල්ඩ් ට්රම්ප් විසින් අඟහරුවාදා නියම කරන ලද අවසාන දිනය ළඟාවීමත් සමඟ එක්සත් ජනපදය සහ ඉරානය අතර ආතතීන් තියණු ලෙස ඉහළ ගිය අතර, තවත් දරුණු වියහැකි මිලිටරි ක්රියාමාර්ග පිළිබඳ බිය මතුව තිබේ.
ඉරානය අද රාත්රී 8 වන විට සාම ගිවිසුමකට එකඟ නොවන්නේ නම්, එක්සත් ජනපදය විසින් එරට ප්රධාන යටිතල පහසුකම්වලට ප්රහාර එල්ලකරන බවට ජනාධිපති ට්රම්ප් අනතුරු ඇඟවීය.
Truth Social හි සටහනක ඔහු පැවසුවේ එම ප්රහාරවලින් “සම්පූර්ණ ශිෂ්ටාචාරයක් විනාශ කළ හැකි” බවයි.
එහෙත් එවැනි ක්රියාමාර්ගයක් අවශ්ය නොවනු ඇතැයි ඔහු තවදුරටත් පැවසීය.
ඉරානය පුරා පාලම්, විදුලි බලාගාර සහ අනෙකුත් ප්රධාන යටිතල පහසුකම් ඉලක්ක කරන බවට ද ඔහු තර්ජනය කළේය.
ඉරානය සඳුදා දින 45 ක සටන් විරාම යෝජනාවක් ප්රතික්ෂේප කළ අතර, ඒ වෙනුවට ගැටුමට ස්ථිර අවසානයක් අවශ්ය බව පැවසීය.
එක්සත් ජනපද හමුදා ප්රධාන තෙල් අපනයන මධ්යස්ථානයක් වන කාර්ග් දූපතට ප්රහාර එල්ල කළ බවට වාර්තා වීමෙන් පසුව තත්වය තවත් නරක අතට හැරිණි.
එක්සත් ජනපදය බංකර් සහ රේඩාර් පද්ධති ඇතුළු මිලිටරියට සම්බන්ධ ස්ථාන කිහිපයකට පහර දුන්නේය.
ට්රම්ප්ගේ දැඩි භාෂාවට එක්සත් ජනපද නීති සම්පාදකයන්ගෙන් සහ අන්තර්ජාතික ප්රජාවෙන් විවේචන එල්ල වී තිබේ.
එරට සෙනෙට් සභික ක්රිස් වැන් හොලන්, ට්රම්ප්ගේ යටිතල පහසුකම් ඉලක්ක කිරීමේ අදහස “මූලික යුද අපරාධයක්” ලෙස විස්තර කළේය.
කොංග්රස් සභික යසමින් අන්සාරි ද තර්ජන හෙළාදුටු අතර, ගැටුම නීතිවිරෝධී යැයි පවසමින් ආරක්ෂක ලේකම් පීට් හෙග්සෙට්ට එරෙහිව දෝෂාභියෝගයක් ඉදිරිපත් කිරීමට සැලසුම් කරන බව පැවසුවාය.
එක්සත් ජාතීන්ගේ සංවිධානය ද මේ සම්බන්ධයෙන් කනස්සල්ල පළකළේය.
එහි ප්රකාශක ස්ටෙෆාන් ඩුජාරික් අනතුරු ඇඟවූයේ අන්තර්ජාතික නීතිය යටතේ බලශක්ති පද්ධති ඇතුළු සිවිල් යටිතල පහසුකම්වලට පහර නොදිය යුතු බවයි.
යුද නීති යටතේ, පාලම් වැනි යටිතල පහසුකම් ඉලක්ක කළ හැක්කේ ඒවා මිලිටරි අරමුණු සඳහා භාවිතා කරන්නේ නම් සහ ප්රහාරය පැහැදිලි වාසියක් ලබා දෙන්නේ නම් පමණි.
අවසාන දිනය ළං වන විට, ඉරාන නිලධාරීන් පුරවැසියන්ගෙන් ඉල්ලා සිටියේ ප්රධාන යටිතල පහසුකම් ආරක්ෂා කිරීම සඳහා මිනිස් දම්වැල් සාදන ලෙසයි.
දෙපාර්ශ්වයෙන්ම සම්මුතියක් ඇති බවට පැහැදිලි සලකුණක් නොමැති හෙයින්, තවදුරටත් යුද්ධය උත්සන්න වීමේ අවදානම සහ මිලියන සංඛ්යාත ජනතාවකට එහි බලපෑම පිළිබඳ කනස්සල්ල දිගටම වර්ධනය වේ.
