March 20, 2026
රාජ්ය-පෞද්ගලික හවුල්කාරිත්වයක් යටතේ බම්බලපිටිය දුම්රිය ස්ථානය නවීකරණය කිරීම ඊයේ (19) ආරම්භ විය.
ඩාවුඩි බෝරා ප්රජාවේ සැළකිව යුතු මූල්ය සහයෝගයක් ඇතිව මෙම නවීකරණ කටයුතු සිදු කෙරේ.
ක්ලීන් ශ්රී ලංකා මුලපිරීමේ ‘සිහින ගමනාන්තය’ වැඩසටහන යටතේ ක්රියාත්මක කරන ලද මෙම ව්යාපෘතියේ අරමුණ වන්නේ මගීන්ට ආරක්ෂිත සහ වඩාත් සුවපහසු අත්දැකීමක් සහතික කිරීම සඳහා ප්රධාන දුම්රිය යටිතල පහසුකම් වැඩිදියුණු කිරීමයි.
බම්බලපිටිය දුම්රිය ස්ථානය වැඩිදියුණු කිරීම සඳහා රුපියල් මිලියන 60ක් ඇස්තමේන්තු කරමින් වෙන් කර ඇති අතර එම කටයුතු මාස පහක් ඇතුළත නිම කිරීමට අපේක්ෂා කෙරේ.
බොහෝ දුරට බෝරා ප්රජා දායකත්වයෙන් අරමුදල් සපයනු ලබන අතර පෞද්ගලික අංශයේ විශේෂඥතාවයෙන් සහාය ලබන මෙම ව්යාපෘතියට වේදිකා, සනීපාරක්ෂක පහසුකම්, ආලෝකකරණය, ආරක්ෂක පද්ධති, ආබාධිතයන් සඳහා ප්රවේශ්යතාව සහ සමස්ත දුම්රිය ස්ථාන යටිතල පහසුකම් වැඩිදියුණු කිරීම ඇතුළත් වේ.
සමාරම්භක උත්සවයේදී අදහස් දැක්වූ අමාත්ය බිමල් රත්නායක, බෝරා ප්රජාවේ කාර්යභාරය අගය කළ අතර, එය විශේෂයෙන් ආගමික සහජීවනයේ කාලයක එක්සත්කම සහ සමාජ වගකීම පිළිබඳ ප්රබල උදාහරණයක් ලෙස විස්තර කළේය.
එවැනි දායකත්වයන් මූල්යමය වටිනාකමෙන් ඔබ්බට ගොස් ජාතික ප්රගතිය සඳහා හවුල් කැපවීමක් පිළිබිඹු කරන බව ඔහු පැවසීය.
