March 7, 2026
මැදපෙරදිග කලාපයේ ඉහළ යන භූ දේශපාලනික ආතතීන් ගෝලීය නැව් මාර්ගවලට බාධා කිරීමට පටන් ගෙන ඇති බවත්, ශ්රී ලංකාවේ වෙළඳ හා සැපයුම් දාමයන්ට ඇති විය හැකි බලපෑම් සම්බන්ධයෙන් කණස්සල්ල මතු කරන බවත් ශ්රී ලංකා නැව්ගත කරන්නන්ගේ කවුන්සිලය (SLSC) අනතුරු අඟවා තිබේ.
ඊයේ නිකුත් කළ නිවේදනයක දැක්වෙන්නේ, එක්සත් ජනපදය, ඊශ්රායලය සහ ඉරානය සම්බන්ධ ආතතිය සමග ශ්රී ලංකා අපනයනකරුවන්ට සහ ආනයනකරුවන්ට භාණ්ඩ ප්රවාහන පිරිවැය ඉහළ යෑමට සහ ප්රමාදයන් වීමට හැකි තත්ත්වයන් හේතුවෙන් ඇතැම් නැව් මාර්ග දැනටමත් කාලසටහන් සකස් කිරීම, මාර්ග අත්හිටුවීම සහ අවදානම් ආශ්රිත අධිභාර පැනවීම ආරම්භ කර ඇති බවයි.
සමුද්රීය වෙළඳාම මත දැඩි ලෙස රඳා පවතින දූපත් රාජ්යයක් ලෙස, ශ්රී ලංකාව ප්රධාන අන්තර්ජාතික නැව් මාර්ග සහ සැපයුම් ජාලවලට බලපාන කරුණුවලට ඉතා සංවේදී වේ.
වත්මන් තත්ත්වය නැව් මාර්ග සේවාවන්ට දැනටමත් බලපෑම් කිරීමට පටන් ගෙන ඇති බවත්, ඇතැම් නෞකා සේවා කාලසටහන් සකස් කිරීම, ඇතැම් මාර්ග අත්හිටුවීම හෝ අතිරේක අවදානම් ආශ්රිත අධිභාර යෙදීමට පටන් ගෙන ඇත.
අන්තර්ජාතික වෙළඳාමට පහසුකම් සැලසීමේදී ගෝලීයනෞකා සේවා තීරණාත්මක කාර්යභාරයක් ඉටු කරන අතර, ප්රධාන සමුද්රීය කොරිඩෝවලට සිදුවන ඕනෑම බාධාවක් ලොව පුරා අපනයනකරුවන්ට, ආනයනකරුවන්ට සහ සැපයුම් දාමයන්ට දුරදිග යන ප්රතිවිපාක ඇති කළ හැකිය.
මෙම තත්ත්වය හේතුවෙන්, දැනටමත් අපේක්ෂිත ගමනාන්ත වෙත ගමන් කරමින් තිබූ අපනයනයන්, නෞකා සේවා විසින් අනපේක්ෂිත වරායන් වෙත හරවා යවා ඇති අතර, එමඟින් ගබඩා කිරීම, නැවත මාර්ගගත කිරීම සහ නැවත නැව්ගත කිරීමේ පිරිවැය සම්බන්ධයෙන් ආනයනකරුවන් සහ අපනයනකරුවන් මත දැඩි බරක් ඇති වේ.
භූ දේශපාලනික අවිනිශ්චිතතාවයේ කාල පරිච්ඡේදවලදී සමුද්රීය ආරක්ෂාව ශක්තිමත් කිරීම, වෙළඳ ද්වාර ආරක්ෂා කිරීම සහ ගෝලීය සැපයුම් දාමවල ඔරොත්තු දීමේ හැකියාව සහතික කිරීමේ වැදගත්කම අවධාරණය කරමින් ලෝක නැව් කවුන්සිලය විසින් මෑතකදී නිකුත් කරන ලද ප්රකාශය ද කවුන්සිලය විසින් සැළකිල්ලට ගෙන තිබේ.
“ශ්රී ලංකාවේ වෙළඳ හා සැපයුම් අංශය මැදපෙරදිග ඇතිවන තත්ත්වය සහ ගෝලීය නැව්ගත කිරීම සඳහා කරන විභව බලපෑම් සමීපව නිරීක්ෂණය කරනවා. සමුද්රීය සම්බන්ධතාව මත දැඩි ලෙස රඳා පවතින වෙළඳ රාජ්යයක් ලෙස, අන්තර්ජාතික නැව් මාර්ග ආරක්ෂිතව සහ ගෝලීය වාණිජ්යය සඳහා විවෘතව පැවතිය යුතුයි. ප්රධාන සමුද්රීය කොරිඩෝවලට දිගු කාලීනව බාධා කිරීම භාණ්ඩ ප්රවාහන පිරිවැය වැඩිවීම, ප්රවාහන ප්රමාදයන් සහ ශ්රී ලාංකික අපනයනකරුවන්ට සහ ආනයනකරුවන්ට මෙහෙයුම් අභියෝගවලට හේතු වෙන්න පුළුවන්.” යනුවෙන් ශ්රී ලංකා නැව්ගත කරන්නන්ගේ කවුන්සිලයේ සභාපති ට්රිෂර්මන් ෆ්රින්ක් පැවසුවේය.
භූ දේශපාලනික අවිනිශ්චිත කාලවලදී, අන්තර්ජාතික වෙළඳාම අඛණ්ඩව ගලා යෑම සහතික කිරීම සඳහා රජයන්, නැව් මාර්ග, වරාය බලධාරීන් සහ පෞද්ගලික අංශය අතර සහයෝගීතාව වඩා තීරණාත්මක බව ද ඔහු සඳහන් කළේය.
ශ්රී ලංකාවේ සැපයුම් සහ අපනයන අංශවල සියලුම පාර්ශවකරුවන් සුපරීක්ෂාකාරීව සිටින ලෙසත් සැපයුම් දාමයන්ට ඇති විය හැකි අවදානම් අවම කිරීම සඳහා නැව් හවුල්කරුවන් සමඟ සමීපව කටයුතු කරන ලෙසත් කවුන්සිලය දන්වයි.
