හිටපු ජනාධිපති රනිල් වික්‍රමසිංහ කොළඹ කොටුව මහේස්ත්‍රාත් අධිකරණයට පැමිණ තිබේ.

මෙම නඩුව මහජන මුදල් රුපියල් මිලියන 16.6 කට අධික ප්‍රමාණයක් අයථා ලෙස පරිහරණය කළ බවට චෝදනා කරමින් වික්‍රමසිංහට එරෙහිව ගොනුකර ඇති පැමිණිල්ලක් සම්බන්ධයෙනි.

2023 දී එක්සත් රාජධානියේ පැවති තම බිරිඳගේ උපාධි ප්‍රදානෝත්සවයට සහභාගී වීම සඳහා පෞද්ගලික විදේශ සංචාරයක් වෙනුවෙන් එම අරමුදල් භාවිත කළ බවට චෝදනා එල්ල වේ.

මෙම පැමිණිල්ල අද විභාගයට ගැනීමට නියමිත බව වාර්තා සඳහන් කරයි.