මිහින්තලේ ප්‍රදේශයේ නීතිවිරෝධී මත්පැන් භාවිතයට එරෙහිව කාන්තාවන් පිරිසක් ප්‍රධාන මාර්ගය අවහිර කරමින් විරෝධතාවයක් පවත්වා තිබේ.

විරෝධතා දැක්වූ කාන්තාවන් කියාසිටියේ ප්‍රදේශයේ පිරිමින් නීතිවිරෝධී මත්පැන් වලට ඇබ්බැහි වී ඇති බවත් එය පවුල් විනාශ කරන බවත්ය.

මෙය කුඩා දරුවන්ගේ අධ්‍යාපනයට ද බලපාන බව පවසමින් කාන්තාවන් පැවසුවේ, තමන් වෙහෙස මහන්සි වී උපයා ගත් ආදායම පිරිමින් නීතිවිරෝධී මත්පැන් පානය කිරීමට යොදාගන්නා බවයි.

“අපේ ගමේ පිරිමින් දහයකට වඩා මේ නීතිවිරෝධී මත්පැන් නිසා මියගියා. තවත් පස්දෙනෙක් අසනීප වෙලා. මිහින්තලේ පොලිසිය මේ ගැන පියවර නොගන්නේ ඇයි? ඔවුන් පොලිසියට අල්ලස් දෙනවා. ඔවුන් නීතිවිරෝධී මත්පැන් වෙළඳාමට සහය දක්වනවා. අපිට විසඳුමක් ලබා දීලා මේ නීතිවිරෝධී මත්පැන් වෙළඳාමට එරෙහිව පියවර ගන්නා ලෙස අපි රජයෙන් ඉල්ලා සිටිනවා ”ඔවුහු තවදුරටත් පැවසූහ.