ස්වීඩ­නයේ සිට මෙර­ටට පැමිණි විදේ­ශීය සංචා­රක තරු­ණි­ය­කට ලිංගික හිරි­හැර කළ කුලී ත්‍රිරෝද රථ රියැ­දු­රකු වනා­ත­වි­ල්ලුව පොලි­සිය මඟින් අත්අ­ඩං­ගු­වට ගෙන තිබේ.

අදාළ විදෙස් ජාතික තරු­ණිය ස්වීඩ­නයේ සිට මෙරට පැමිණ කටු­නා­යක සිට විල්ප­ත්තුව ජාතික වනෝ­ද්‍යා­නය නැර­ඹී­මට පොදු ප්‍රවා­හන බස් රථ­යක නැඟී පුත්ත­ලම නග­ර­යට පසු­ගිය 23දා පැමිණ ඇත.

පසුව පුත්ත­ලමේ සිට එළු­ව­න්කු­ලම දක්වා කුලී ත්‍රිරෝද රථ­ය­කින් ගමන් කර තිබේ.

කුලී ත්‍රිරෝද රථ රියැ­දුරු පුත්ත­ලම පරණ මන්නා­රම ඔස්සේ එළු­ව­න්කු­ලම දක්වා ඇය රැගෙන යන අත­ර­තු­රදී ඇයට විටින් විට අවස්ථා කිහි­ප­ය­කදී ලිංගික අඩ­න්තේ­ට්ටම් කර­මින් ඇයට කර­දර කර ඇත.

රියැ­දුරු සිය ත්‍රිරෝද රථය ද අව­ස්ථා­ව­කදී ඇයට පැද­වී­මට පුහුණු කිරී­මට කට­යුතු කර ඇතැ­යිද වනා­ත­වි­ල්ලුව පොලි­සිය කළ මූලික විම­ර්ශ­න­ව­ලදී අනා­ව­ර­ණය වී තිබේ.

තරු­ණිය එළු­ව­න්කු­ලම ප්‍රදේ­ශයේ ඇය නවා­තැන් ගැනී­මට පැමිණි හෝට­ලයේ කළ­ම­නා­කා­රි­නි­යට මේ බව පවසා ඇත.

හෝට­ලයේ කළ­ම­නා­කා­රි­නිය ඇයත් සමඟ වනා­ත­වි­ල්ලුව පොලි­සි­යට ගොස් පැමි­ණිලි කිරී­මෙන් අන­තු­රුව සැක­කාර රියැ­දුරු සොයා අත්අ­ඩං­ගු­වට ගෙන තිබේ.

අත්අ­ඩං­ගු­වට පත් සැක­කරු පුත්ත­ලම ප්‍රදේ­ශයේ පදිංචි 26 හැවි­රිදි විවා­හක එක්දරු පියෙකි.

මොහු මීට පෙරද අවස්ථා කිහි­ප­ය­ක­දීම මෙ‍ලෙස විදෙස් ජාතික කාන්තා­වන්ට ලිංගික අත­වර කර ඇති අ‍‍‍යෙක් බව කියයි.

සැක­කරු පුත්ත­ලම මහේ­ස්ත්‍රාත් අධි­ක­ර­ණ­යට පෙරේදා (24) ඉදි­රි­පත් කිරී­මෙන් අන­තු­රුව ඇප මත මුදා­හැර තිබේ.