තම සැමියාට සහ ඔහුගේ අනියම් බිරිඳ බව කියන කාන්තාවකට තියුණු ආයුධ යකින් පහර දී බරපතල තුවාල සිදු කළ බව කියන කාන්තාවක අත්අඩංගුවට ගත් බව පාදුක්ක පොලිසිය පවසයි.

සැකකාර කාන්තාවගේ සැමියා තවත් කාන්තාවක සමග පාදුක්ක දේවාල පාර නිවසක සිටින බවට ලද තොරතුරක් මත, අදාළ කාන්තාව එම නිවසට ගොස් තියුණු ආයුධයකින් දෙදෙනාටම පහර දී ඇතැයි ද, පසුව තුවාලකරුවන් දෙදෙනා පාදුක්ක දිසා රෝහලට ඇතුළත් කිරීමෙන් පසු වැඩිදුර ප්‍රතිකාර සදහා හෝමගම මූලික රෝහලට ඇතුළත් කර ඇතැයිද පොලිසිය පවසයි.

සැකකාර කාන්තාව තියුණු ආයුධ ප්‍රහාරය එල්ල කිරීමෙන් පසු මීගොඩ පොලිස් ස්ථානය වෙත පැමිණ භාර වී තිබූ බව ද එම පොලිස් වාර්තා සඳහන් කරයි.