December 2, 2025
කෘෂිකර්ම දෙපාර්තමේන්තුවේ ප්රමිතීන්ට අනුකූල ශීත කළ එළවළු ආනයනය කිරීමට රජය තීරණය කර ඇති බව අත්යවශ්ය සේවා කොමසාරිස් ජනරාල් බී.කේ. ප්රභාත් චන්ද්රකීර්ති පවසයි.
මෙම ආපදා තත්ත්වය තුළ අත්යවශ්ය සැපයුම් ලබාගැනීමේදී මහජනතාව මුහුණ දෙන දුෂ්කරතා හඳුනාගැනීම සහ අදාළ සැපයුම්කරුවන් දැනුවත්කිරීම සඳහා දිස්ත්රික් ලේකම්වරුන් විසින් ඉදිරිපත් කරන ලද අත්යවශ්ය ආහාර ද්රව්ය සහ භාණ්ඩ ලැයිස්තු ජනමාධ්ය හරහා ප්රකාශයට පත්කිරීමට පියවර ගන්නා බව ඔහු පැවසීය.
මෙමගින් සැපයුම්කරුවන්ට අදාළ දිස්ත්රික් සහ ප්රාදේශීය ලේකම්වරුන් අමතා හඳුනාගත් භාණ්ඩ සැපයීමට කඩිනම් පියවර ගැනීමට හැකිවේ.
LP ගෑස් නිසි ලෙස බෙදාහැරීමේදී ඇතිවිය හැකි ගැටළු හඳුනාගැනීමට සහ ක්ෂණික විසඳුම් ලබා දීමට අවශ්ය පියවර ගැනීමට ලිට්රෝ ගෑස් සමාගම සමඟ සාකච්ඡා පැවැත්වීමට කටයුතු සූදානම් වෙමින් පවතී.
“ඊට අමතරව, ආපදාවෙන් පීඩාවට පත් ජනතාවට මධ්ය කාලීන සහන සැලසීම සඳහා, ප්රාදේශීය ලේකම්වරුන්ගෙන් ලැබෙන තොරතුරු මෙන්ම අනෙකුත් රාජ්ය ආයතනවලින් ලබාගත් තොරතුරු අග්රාමාත්ය කාර්යාලයට ඉදිරිපත් කරන ලෙස දිස්ත්රික් ලේකම්වරුන්ට උපදෙස් දී ඇත.
මෙම අවශ්යතා අග්රාමාත්ය ලේකම් කාර්යාලය විසින් සකස්කරන ලද පහසුවෙන් ප්රවේශ විය හැකි ආකෘතියකින් ප්රදර්ශනය කෙරේ. මෙමගින් ආධාර ලබා දීමට කැමති දේශීය හා ජාත්යන්තර පරිත්යාගශීලීන්ට තමන්ට ලබා දිය හැකි භාණ්ඩ පැහැදිලිව හඳුනා ගැනීමට හැකි වේ.
අනවශ්ය භාණ්ඩ ලැබීම ඉක්මණින් ලැබීම, අත්යවශ්ය අවශ්යතා නිවැරදිව හඳුනාගෙන ඇති බව සහතික කිරීම සහ අදාළ ස්ථානවලට නිසි ආධාර ලබාදීම පහසු කිරීම මෙම යාන්ත්රණයෙන් අපේක්ෂා කෙරේ.
“විදේශයන්ගෙන් ලබාදෙන භාණ්ඩ ආපදා කළමනාකරණ මධ්යස්ථානයේ නමින් ලැබෙනු ඇති අතර, එමඟින් එවැනි සැපයුම් සඳහා අවශ්ය රේගු බදු සහ බදු සහන ලබා දීමට හැකි වේ,” අත්යවශ්ය සේවා කොමසාරිස් ජනරාල් කාර්යාලය නිකුත් කළ නිවේදනයක දැක්වේ.
