අලුත්ම සහ භාවිත කළ ඉහළ පෙළේ මෝටර් රථ ගණනාවක් පසුගිය ඔක්තෝබර් මාසයේදී මෙරට ලියාපදිංචි කර ඇති බව වාහන ලියාපදිංචි දත්ත විශ්ලේෂණයක් පෙන්වා දෙයි.

කොළඹ පදනම් කරගත් තැරැව්කාර සමාගමක් වන JB Securities විසින් කරන ලද විශ්ලේෂණයකට අනුව, ඔක්තෝබර් මාසයේදී Porsche Caymans රථ දෙකක්, Carrera එක් රථයක්, Macan එක් රථයක්, Bentley රථ හතරක් සහ Lamborghini Urus එක් රථයක් ලියාපදිංචි කර ඇත.

ඉහළ පෙළේ මෝටර් රථ සඳහා විශාල වශයෙන් බදු අය කෙරෙන අතර, ඒවා පෙට්‍රල්වලින් ධාවනය කරන්නේ නම්, ඉදිරි මාසවලදී රාජ්‍යයට තවත් බදු ආදායමක් ද ගෙන එයි.

Mercedes-Benz වාහන යටතේ අලුත්ම GLB රථ 9ක් , C-Class රථ 3ක්, E-Class රථ 4ක් සහ S-Class රථ 2ක් වශයෙන් රථ විසි අටක් ලියාපදිංචි කර ඇත.

C-Class රථ18ක්, E-Class රථ 13ක්, S-Class රථ 1ක් සහ GLB රථ 12ක් ඇතුළුව භාවිත කළ Mercedes-Benz ඒකක 54 ක් ද ලියාපදිංචි කර ඇති බව JB Securities පැවසීය.

ඊට අමතරව Audi සන්නාමය යටතේ A3 රථ 18ක් ඇතුළුව වාහන 37ක් ලියාපදිංචි කර තිබිණි.

මෙම කාලය තුළ ලෙක්සස් ඒකක 15ක් (LX 7, LBX 5) ද ලියාපදිංචි කර තිබේ.

විශ්ලේෂණයට අනුව, BMW ඒකක 17ක් ලියාපදිංචි කළ අතර, එයට X7 රථ 2ක්, X5 රථයක්, X1 රථ 4ක් සහ 2 Series රථ 5ක් ඇතුළත් විය.