‘චූවා සමන්ත’ නමැති සංවි­ධා­නා­ත්මක අප­රාධ හා මත්ද්‍රව්‍ය ජාවා­ර­ම්ක­රුගේ සමී­ප­ත­ම­යකු විදෙස් රටක නිෂ්පා­දිත පිස්තෝල වර්ගයේ ගිනි අවි­යක්, පත­රොම් 9ක් අඩංගු පත­රොම් ගැබක් හා අයිස් මත්ද්‍රව්‍ය ග්‍රෑම් 12 මිලි­ග්‍රෑම් 380ක් සමඟ පෙරේදා (04) පොලිස් විශේෂ කාර්ය බළ­කායේ බුද්ධි කොට්ඨා­සයේ නිල­ධා­රීන් කණ්ඩා­ය­මක් විසින් අත්අ­ඩං­ගු­වට ගෙන තිබේ.

පොලිස් විශේෂ කාර්ය බළ­කාය බුද්ධි කොට්ඨා­සයේ නිල­ධා­රීන් කණ්ඩා­ය­මක් විසින් කළ වැට­ළීම­කදී සැක­ක­රු­වන් දෙදෙ­න­කු­ගෙන් ප්‍රශ්න කිරී­මේදී ලද තොර­තුරු අනුව මුල්ලේ­රි­යාව පොලිස් වස­මේදී මේ සැක­කරු අත්අ­ඩං­ගු­වට ගෙන ඇත.

සැක­කරු ශ්‍රී ලංකා යුද හමු­දාවේ වසර 11ක කාල­යක් සේවය කර ඉන් ඉවත් කරන ලද පුද්ග­ල­යකු වන බවත් තොර­තුරු අනා­ව­ර­ණය වී තීබේ.

සැක­කරු වයස අවු­රුදු 43ක් වන වෑබඩ ප්‍රදේ­ශයේ පදිං­චි­ක­රු­වෙකි.

සැක­කරු වැඩි­දුර විම­ර්ශන කට­යුතු සඳහා බස්නා­හිර පළාත් දකුණ අප­රාධ කොට්ඨා­සය වෙත භාරදී තිබේ.