තම පුතාට පිස්තෝලයකින් වෙඩිතැබීමට උත්සාහ කළ බවට චෝදනා එල්ල වී සිටින පුද්ගලයකු ආරච්චිකට්ටුව පොලිසිය විසින් අත්අඩංගුවට ගෙන තිබේ.

ආරච්චිකට්ටුව ප්‍රදේශයේ ආයුධ සන්නද්ධ පුද්ගලයෙකු සිටින බවට ලැබුණු දුරකථන ඇමතුමකට ප්‍රතිචාර වශයෙන් දියත් කරන ලද පොලිස් මෙහෙයුමකදී මෙම අත්අඩංගුවට ගැනීම සිදුකර ඇත.

සෝදිසි කිරීමේදී සැකකරු සතුව පිස්තෝලයක් තිබී සොයාගත් අතර ඔහු වහාම අත්අඩංගුවට ගත් බව පොලිසිය පැවසීය.

වාර්තාවලට අනුව, සැකකරු වසර හතරකට පමණ පෙර තම පවුල අතහැර වෙනත් ප්‍රදේශයකට ගොස් ඇත.

වෙඩි තැබීමට උත්සාහ කිරීමට හේතුව තවමත් නිශ්චය කර නොමැති අතර, වැඩිදුර පරීක්ෂණ සිදුවෙමින් පවතී.

සොයාගත් ගිනිඅවිය දේශීයව නිෂ්පාදනය කරන ලද පිස්තෝලයක් බව කියනු ලබන අතර, සැකකරු පොලිසියට දන්වා ඇත්තේ එය වසර 15 කට පමණ පෙර ආරච්චිකට්ටුවේ පදිංචි පුද්ගලයෙකු විසින් ඔහුට ලබාදුන් බවයි.

සැකකරු සහ ආයුධය හලාවත මහේස්ත්‍රාත් අධිකරණයට ඉදිරිපත් කිරීමට නියමිතය.