October 9, 2025
තම දරුවාට එරෙහිව සිදුකෙරෙන අන්තර්ජාල ප්‍රහාර සම්බන්ධයෙන් වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න අද අපරාධ පරීක්ෂණ දෙපාර්තමේන්තුවේ (CID) සයිබර් අපරාධ අංශය හමුවේ පැමිණිල්ලක් ගොනුකළේය.
පාර්ලිමේන්තු මන්ත්‍රී චාමර සම්පත් දසනායක මෑතකදී පාර්ලිමේන්තුවේදී කළ ප්‍රකාශයක් පදනම් කරගෙන තම දරුවාට අපහාසාත්මක ප්‍රචාර සිදුකෙරෙන බව පවසමින් ඇමැතිවරයා පැමිණිල්ල ගොනුකර ඇති බව වාර්තා වේ.
පාර්ලිමේන්තු මන්ත්‍රී දසනායකගේ ප්‍රකාශයෙන් පසුව, අමාත්‍ය සමන්ත විද්‍යාරත්නගේ දරුවා සම්බන්ධයෙන් සමාජ මාධ්‍ය ඔස්සේ අපහාසාත්මක ප්‍රචාර පළවිය.
ඒ අනුව, මේ සම්බන්ධයෙන් පැමිණිල්ලක් ගොනු කිරීම සඳහා අමාත්‍ය සමන්ත විද්‍යාරත්න අපරාධ පරීක්ෂණ දෙපාර්තමේන්තුවේ සයිබර් අපරාධ අංශය හමුවේ පෙනීසිටියේය.
