September 24, 2025
නිව්යෝර්ක් මූලස්ථානයේ කැඩුණු එස්කැලේටරයක්(විදුලි පඩිපෙලක්) සහ අක්රිය වූ ටෙලිප්රොම්ප්ටරයක් හේතුවෙන් එක්සත් ජනපද ජනාධිපති ඩොනල්ඩ් ට්රම්ප් එක්සත් ජාතීන්ගේ සංවිධානය විවේචනය කළේය.
උණුසුම් හා ඝෝෂාකාරී කතාවක් අතරතුර, ට්රම්ප් ගෝලීය සංවිධානයට පැවසුවේ “මට එක්සත් ජාතීන්ගේ සංවිධානයෙන් ලැබුණේ ඉහළට යන අතරමගදී මැද නතර වූ එස්කැලේටරයක් පමණයි. ජනාධිපති ආර්යාව හොඳ තත්ත්වයේ නොසිටියේ නම්, ඇය වැටෙන්නට ඉඩතිබුණා, නමුත් ඇය හොඳ තත්ත්වයේ සිටී.”
ඔහු තම කතාව ආරම්භ කරන විට ට්රම්ප් තවදුරටත් මෙසේ පැවසීය: “ටෙලිප්රොම්ප්ටරයක් නොමැතිව මෙම කතාව කිරීම මට ගැටළුවක් නෑ. හැබැයි ටෙලිප්රොම්ප්ටරය ක්රියානොකරයි. මෙම ටෙලිප්රොම්ප්ටරය ක්රියාත්මක කරන ඕනෑම අයෙකු විශාල කරදරයක සිටින බව පමණක් මට පැවසිය හැකිය.”
ඔහු තවදුරටත් මෙසේ පැවසීය “මේවා මට එක්සත් ජාතීන්ගේ සංවිධානයෙන් ලැබුණු දේවල් දෙකක්, නරක එස්කැලේටරයක් සහ නරක ටෙලිප්රොම්ප්ටරයක්. බොහොම ස්තූතියි. ඒ වගේම, දැන් එය ක්රියාත්මක වෙනවා.”
දවසේ මුල් භාගයේදී, ට්රම්ප් සහ ජනාධිපති ආර්යාව මෙලනියාට එක්සත් ජාතීන්ගේ සංවිධානයේ කැඩුණු එස්කැලේටරයකින් නැගීමට සිදු වූ අතර, එය ජනාධිපතිවරයා මහා මණ්ඩලය අමතමින් කළ කතාව අතරතුර එය ඔහුව කෝපයට පත් කළේය.
කෙසේ වෙතත්, Truth Social හි සටහනක ට්රම්ප් මෙසේ ලිවීය: “එක්සත් ජාතීන්ගේ සංවිධානය ඉදිරියේ කතා කිරීමට ලැබීම මහත් ගෞරවයක්. කතාව ඉතා හොඳින් පිළිගනු ලැබූ බව මම විශ්වාස කරමි. එය බලශක්තිය සහ සංක්රමණය/සංක්රමණ කෙරෙහි බොහෝ සෙයින් අවධානය යොමුකළේය.
