මාග­ම්පුර වරාය කළ­ම­නා­ක­රණ සමා­ගම 2014 වස­රේදී වරාය අධි­කා­රියේ සංස්ථා­පිත ඇප­ක­ර­යක් යටතේ පෞද්ග­ලික බැංකු­ව­කින් ඩොලර් මිලි­යන 24ක ණය මුද­ලක් ලබා­ගෙන ඇති බවත්, එම ණය මුද­ලින් ඩොලර් මිලි­යන 18.82 (රුපි­යල් මිලි­යන 6836) 2023 වසර වන­වි­ටත් ගෙවා නොමැති බව පොදු ව්‍යාපාර පිළි­බඳ කාරක සභා­වේදී පසු­ගි­යදා අනා­ව­ර­ණය විය.

මෙම ණය මුදල අය­කර ගැනීම සඳහා අදාළ බැංකුව විසින් මාග­ම්පුර වරාය කළ­ම­නා­ක­රණ සමා­ග­මට හා වරාය අධි­කා­රි­යට විරු­ද්ධව නඩු දෙකක් පවරා ඇති බව ද මෙහිදී හෙළි­විය.

ශ්‍රී ලංකා වරාය අධි­කා­රියේ 2022, 2023 වර්ෂ­වල කාර්ය විග­ණ­කා­ධි­පති වාර්තා හා වර්ත­මාන කාර්ය සාධ­නය සම්බ­න්ධ­යෙන් පරීක්ෂා කිරීම සඳහා පොදු ව්‍යාපාර පිළි­බඳ කාරක සභාව වෙත පසු­ගි­යදා කැඳවූ අතර එහිදී මේ බව අනා­ව­ර­ණය විය.

පොදු ව්‍යාපාර පිළි­බඳ කාරක සභාව එහි සභා­පති, පාර්ලි­මේන්තු මන්ත්‍රී නිශාන්ත සම­ර­වීරගේ ප්‍රධා­න­ත්ව­යෙන් රැස්විය.

එහිදී කාරක සභාව වෙත පැමිණි නිල­ධා­රීන් සඳ­හන් කළේ, මේ සම්බ­න්ධ­යෙන් අල්ලස් හෝ දූෂණ චෝදනා විම­ර්ශන කොමි­ෂන් සභා­වට පැමි­ණිලි කර ඇති බවත් ඊට අදාළ පරී­ක්ෂ­ණය සිදුවෙමින් පව­තින බවයි.

මේ අතර ශ්‍රී ලංකා වරාය අධිකාරිය ස්ථාපිත කළ සීමාසහිත මාගම්පුර වරාය කළමනාකරණ පෞද්ගලික සමාගම බාල තෙල් මිල දී ගැනීමෙන් 2014දී අමෙරිකානු ඩොලර් මිලියන 24ක (රුපියල් කෝටි 300කට වැඩි) පාඩුවක් වරාය අධිකාරියට සිදුකර ඇති බව පොදු ව්‍යාපාර පිළිබඳ කාරක සභාවේදී (කෝප් කමිටුවේදී) අනාවරණය විය.

එසේම 2022 ජුනි මස සිට ඈව­ර­ක­රු­වකු පත්කර මාග­ම්පුර වරාය කළ­ම­නා­ක­රණ සමා­ගම ඈවර කිරීමේ කට­යුතු මේ වන විට සිදුවෙමින් පව­තින බව ද වරාය අධි­කා­රියේ නිල­ධා­රීහු ප්‍රකාශ කළහ.

මෙහිදී නිල­ධා­රී­න්ගෙන් ප්‍රශ්න කළ පොදු ව්‍යාපාර පිළි­බඳ කාරක සභාවේ (කෝප්) සභා­පති පාර්ලි­මේන්තු මන්ත්‍රී නිශාන්ත සම­ර­වීර අව­ධා­ර­ණය කළේ, අදාළ සමා­ගම ඈවර කිරී­මෙන් පම­ණක් සෑහී­ම­කට පත්විය නොහැකි බවයි.

එමෙන්ම මෙම කරුණ සම්බ­න්ධ­යෙන් වරාය අධි­කා­රිය සිය වග­කීම ඉටු­කි­රීම සම්බ­න්ධ­යෙන් කිසි­සේත් සෑහී­ම­කට පත්විය නොහැකි බව ද සභා­ප­ති­ව­රයා ප්‍රකාශ කළේය.

මේ සම්බ­න්ධ­යෙන් අභ්‍ය­න්තර විග­ණ­න­යක් සිදු­කර ඊට අදා­ළව විනය ක්‍රියා­මාර්ග ගන්නා ලෙසත් අභ්‍ය­න්තර විග­ණන අංශය නිවැ­ර­දිව අධී­ක්ෂ­ණ­යට ලක්කි­රීමේ ක්‍රම­වේ­ද­යක් සකස් කරන ලෙසත් කාරක සභාව විසින් නිර්දේශ කර ඇත.

එමෙන්ම මීට අදාළ සියලු කරුණු සම්බ­න්ධ­යෙන් වාර්තා­වක් ලබා­දෙන ලෙසද පොදු ව්‍යාපාර පිළි­බඳ කාරක සභාවේ සභා­පති, පාර්ලි­මේන්තු මන්ත්‍රී නිශාන්ත සම­ර­වීර නිර්දේශ කර ඇත.

මීට අම­ත­රව අධි­කා­රියේ සංයුක්ත සැලැස්ම පිළි­බඳ ද මෙහි දී කමි­ටුවේ අව­ධා­නය යොමුවිය.(දිනමිණ)