September 6, 2025
නව නිවසකට දේපළ බද්ද අඩුවෙන් ගෙවීමේ වරද ගැන දැඩි ලෙස කණගාටුව පළ කරමින් බ්රිතාන්ය නියෝජ්ය අගමැති ඇන්ජෙලා රේනර් ඊයේ ඉල්ලා අස්වූවාය.
එය ඇගේ ප්රධානියා වන අගමැති කීර් ස්ටාර්මර්ට හානිකර පහරක් වී තිබේ.
බ්රිතාන්යයේ ස්වාධීන උපදේශක විසින් ඇය නිවැරදි ලෙස බදු ගෙවීමට අපොහොසත් වීම මගින් අමාත්ය සංග්රහය කඩ කළ බව තීන්දු කිරීමෙන් පසු, තම නියෝජ්ය අගමැති ආරක්ෂා කිරීමට ස්ටාර්මර්ට කළ හැකි දෙයක් නොවීය.
ඔහු “ඔබව රජයට අහිමි වීම ගැන ඉතා කණගාටුදායකයි” යනුවෙන් පවසමින්, ඇය විශ්වාසවන්ත සගයකු සහ සැබෑ මිතුරියක් බව සඳහන් කළේය.
45 හැවිරිදි රේනර්, ස්ටාර්මර්ගේ කණ්ඩායමේ සිටි අටවැනි ජ්යෙෂ්ඨතම සාමාජිකයා විය.
නිවැරදි බදු අනුපාතය ගෙවීමෙන් වැළකී සිටීමට හිතාමතාම උත්සාහ කළ බවට පළමු වරට ඇයට චෝදනා එල්ල වූ විට බ්රිතාන්ය නායකයා ඇයට පූර්ණ සහයෝගය ලබා දීම නිසා සිදුව ඇති හානිය වඩාත් වැඩිය.
වසර 50කට ආසන්න කාලයක් තුළ ඕනෑම අගමැතිවරයකුගේ රජයන් පිළිබඳ සැළකීමේ දී සංශෝධනවලින් පිටත අමාත්ය ධුරවලින් වැඩිම ඉල්ලා අස්වීම සටහන් වන්නේ ස්ටාර්මර්ගේ රජය තුළය.
එය වඩාත්ම අවුල් සහගත ධුර කාලය ලෙස සැලකුණු බොරිස් ජොන්සන්ගේ සමයටත් වඩා වැඩිය.
“අතිරේක විශේෂඥ බදු උපදෙස් ලබා නොගැනීමට මා ගත් තීරණය ගැන මම බෙහෙවින් කණගාටු වෙනවා… මෙම වරද සඳහා මම සම්පූර්ණ වගකීම භාර ගන්නවා,” යනුවෙන් රේනර් අගමැතිවරයා වෙත යැවූ ලිපියේ සඳහන් කළාය.
“මෙම සොයාගැනීම් සහ මගේ පවුලට ඇති වූ බලපෑම සැළකිල්ලට ගෙන, මම ඉල්ලා අස්වීමට තීරණය කළා,” කම්කරු පක්ෂයේ අමාත්යවරයකු සහ නියෝජ්ය නායක ධුරයෙන් ද ඉල්ලා අස්වූ රේනර් පැවසුවාය.
විශේෂයෙන් හැඟීම්බර ලිපියකින් ස්ටාර්මර් පැවසුවේ ඇය නිවැරදි තීරණයක් ගත් බව තමා විශ්වාස කරන නමුත් එය ඇයට ඉතා වේදනාකාරී බව තමා දන්නා බවයි.
“පෞද්ගලිකව, ඔබව රජයට අහිමි වීම ගැන මම ඉතා කණගාටු වෙනවා… ඔබ රජයේ කොටසක් නොවුණත්, ඔබ අපගේ පක්ෂයේ ප්රධාන චරිතයක් ලෙස සිටිනු ඇත.”යනුවෙන් ඔහු පැවසීය.
