වාණිජ පුපුරන ද්‍රව්‍ය විශාල ප්‍රමාණයක් නීතිවිරෝධී ලෙස ළඟ තබාගැනීම සම්බන්ධයෙන් රක්වාන මැදගංගොඩ ප්‍රදේශයේ පදිංචි 78 හැවිරිදි පුද්ගලයකු අත්අඩංගුවට ගෙන තිබේ.

උඩවලවේ විශේෂ කාර්ය සාධක බලකායේ (STF) කඳවුරේ නිලධාරීන්ට ලැබුණු තොරතුරක් මත සිදුකරන ලද වැටළීමකදී මෙම අත්අඩංගුවට ගැනීම සිදුකළ බව පොලිසිය පවසයි.

වැටළීමේදී, සැකකරු සතුව තිබී කෝඩයිට් කිලෝග්‍රෑම් 3 කට ආසන්න ප්‍රමාණයක්, ඇමෝනියා කිලෝග්‍රෑම් 9 කට වැඩි ප්‍රමාණයක්, වෝටර් ජෙල් කූරු 15 ක් සහ ඩෙටනේටර් 28 ක් සොයාගැනීමට නිලධාරීන් සමත්ව ඇත.