ගණේමුල්ල ප්‍රදේශයේ පොලිස් වැටළීමකදී සංවිධානාත්මක අපරාධ කල්ලියක සාමාජිකයන් බවට සැකකෙරෙන පුද්ගලයින් දසදෙනෙකු අත්අඩංගුවට ගත් බව පොලිසිය අද (19) තහවුරු කළේය.

පොලිසියට අනුව, සැකකරුවන් සතුව රිපීටර් වර්ගයේ ගිනිඅවියක්, පිස්තෝලයක්, ටී-56 මැගසින් නවයක්, පතොරම් 183 ක්, මිලිමීටර් 9 උණ්ඩ උණ්ඩ 280 ක්, කඩුවක් සහ ස්ඵටික මෙතම්ෆෙටමින් (අයිස්) ග්‍රෑම් 300 ක් තිබී ඇත.

සැකකරුවන් භාවිත කළ යතුරුපැදියක් සහ මෝටර් රථයක් ද අත්අඩංගුවට ගෙන ඇත.

පරකන්දෙණිය, දළුව කොට්ටුව සහ කටාන යන ප්‍රදේශවල සම්බන්ධීකරණ මෙහෙයුම් අතරතුර අත්අඩංගුවට ගැනීම් සිදුකරන ලද අතර, සැකකරුවන්ගෙන් එක්අයෙකු හිටපු හමුදා නිලධාරියකු බව පොලිසිය තහවුරු කළේය.

මෙම කණ්ඩායමට රාජගිරිය, වනාතමුල්ල, අතුරුගිරිය සහ කටාන යන ප්‍රදේශවල පදිංචිකරුවන් ඇතුළත් වේ.