කිලිනොච්චියේ තට්ටුවන්කෝට්ටි ප්‍රදේශයේ අද (29) උදෑසන සිදුවූ පිපිරීමකින් පුද්ගලයන් දෙදෙනකු බරපතල තුවාල ලබා තිබේ.

අතහැර දැමූ නිවසක කැණීම් කටයුතුවල නිරතව සිටි පුද්ගලයන් දෙදෙනා, වැඩ කරමින් සිටියදී වළදමා තිබූ බෝම්බයක් අහම්බෙන් ක්‍රියාත්මක වීමෙන් මෙම සිදුවීම සිදුවී ඇති අතර, එය පුපුරා ගොස් ඇත.

තුවාල ලැබූ පුද්ගලයන් දෙදෙනා හදිසි ප්‍රතිකාර සඳහා කිලිනොච්චි රෝහලට ඇතුළත් කර ඇත.

සිද්ධිය සම්බන්ධයෙන් කිලිනොච්චි පොලිසිය වැඩිදුර පරීක්ෂණ පවත්වයි.