ෂේන් වෝන් තමා මුහුණ දුන් හොඳම පන්දු යවන්නා ලෙස බටහිර ඉන්දීය කොදෙව් පුරාවෘත්තයක් වන බ්‍රයන් ලාරා විසින් ප්‍රශංසා කර තිබේ.

එහෙත් දෙරට අතර තරගවලදී මුත්තයියා මුරලිදරන් තමාට වඩාත් ව්‍යාකූලත්වයක් සහ පීඩනයක් ඇති කළ බව ද ඔහු සඳහන් කර ඇත.

සර් ඇලෙස්ටෙයාර් කුක්, මයිකල් වෝගන් සහ ෆිල් ටෆ්නෙල් සමඟ ‘Stick to Cricket’ වැඩසටහනේදී වෝන් හොඳම අය අතර සිටීදැයි විමසූ විට ලාරා “ඔහු තමයි හොඳම” යනුවෙන් ක්ෂණිකව පිළිතුරු දුන්නේය.

එසැණින්ම ඔහු ශ්‍රී ලංකාවේ දඟ පන්දු යැවූ මුරලිගේ දක්ෂතාව පිළිගැනීමට ද කටයුතු කළේය.

“මුරලිට එරෙහිව පන්දුවට පහර දීමට යන විට මම ව්‍යාකූල වෙනවා,” ලාරා පිළිගත්තේය.

“මුරලිගේ පළමු පැය භාගයේදී, මම ව්‍යාකූල වෙනවා. මුරලි මට ෂේන්ට වඩා පීඩනයක් ලබා දුන්නා.” යැයි ඔහු සඳහන් කළේය

මුරලිදරන් ලොව වැඩිම කඩුලු ලාභියා වන අතර කඩුළු 800ක් දවා ගත්තේය.

ටෙස්ට් ලකුණු 11,000කට වඩා රැස් කළ සහ තවමත් ටෙස්ට් ක්‍රිකට් ක්‍රීඩාවේ වැඩිම පෞද්ගලික ලකුණු සංඛ්‍යාව (2004 දී එංගලන්තයට එරෙහිව 400*) සඳහා වාර්තාව තබා ඇති ලාරා, වෝන් කැපී පෙනුනේ කුමක් නිසාද යන්න ගැන මෙනෙහි කළේ මෙසේයි;

“මම ෂේන්ට එරෙහිව පන්දුවට පහර දීමට යන විට සෑම පන්දුවක් ම මැදින් පැමිණෙනවා, පසුව පස්වරු 2ට 3 ට පමණ, ඔහු මායාකාරී පන්දු යැවීමක් සිදුකරනවා. ඒකයි මම ඔහුව ඉහළින් තක්සේරු කරන්නේ. මොකද මම හිතන්නේ ඔහු මානසිකව ශක්තිමත් කියලා. ඒ වගේම පැහැදිලිවම ඔහුගේ පන්දු යැවීමේ ප්‍රහාරය සහ ඔහු පන්දු යැවූ තණතීරු සමඟ, එය මැක්ග්‍රාත්වරුන්ට සහ අනෙකුත් වේග පන්දු යවන්නන්ට වාසිදායක වුණා. ඔහුට එතරම් කඩුලු ප්‍රමාණයක් ලබා ගැනීමට හැකි වීම ඉතා විශේෂයි.” යනුවෙන් ලාරා සඳහන් කළේය.

වයස අවුරුදු 52ක්ව සිටියදී 2022 දී ඛේදජනක ලෙස මිය ගිය වෝන් ටෙස්ට් කඩුලු 708ක් ලබා ගනිමින් තම වෘත්තීය ජීවිතය අවසන් කර තිබිණි.

මුරලිදරන්ට පමණක් දෙවැනි වූ ඔහු, පිටියේදී දැඩි එදිරිවාදිකම් තිබියදීත්, ඕස්ට්‍රේලියානු පුරාවෘත්තය සමඟ ඔහුගේ මිත්‍රත්වය ලාරා ආදරයෙන් සිහිපත් කළේය.

ඔවුන් පිටියෙන් පිටත හොඳින් සිටියාදැයි ඩේවිඩ් ලොයිඩ් විමසූ විට “ඇත්තෙන්ම! අපි එකට හොඳ කාලයක් ගත කළා,” යැයි ලාරා පැවසීය.