ලංකා ඛනිජ තෙල් සංස්ථාව (සිපෙට්කෝ) අද (30) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කරන බව නිවේදනය කර ඇත.

එම නිවේදනයට අනුව, ඔටෝ ඩීසල් ලීටරයකට රු. 6 කින් අඩුකර රුපියල් 277 ක් වන අතර, පෙට්‍රල් ඔක්ටේන් 95 ලීටරයකට රු. 6 කින් අඩු කර රුපියල් 335ක් වනු ඇත.

භූමිතෙල් ලීටරයකට රු. 5 කින් අඩුකර රුපියල් 180ක් වනු ඇත.

මේ අතර, පෙට්‍රල් 92 ඔක්ටේන් සහ සුපර් ඩීසල් මිලෙහි කිසිදු වෙනසක් සිදු නොවේ.

සංශෝධිත මිල ගණන් පහත පරිදි වේ:

ඔටෝ ඩීසල් – රු. 277 (රු. 6 කින් අඩු කර ඇත)
පෙට්‍රල් 95 ඔක්ටේන් – රු. 335 (රු. 6 කින් අඩුකර ඇත)
භූමිතෙල් – රු. 180 (රු. 5 කින් අඩු කර ඇත)

සුපිරි ඩීසල් – (සංශෝධිත නොවේ)
පෙට්‍රල් 92 ඔක්ටේන් – (සංශෝධිත නොවේ)