ශ්‍රී ලංකා පොදුජන පෙරමුණේ (SLPP) පාර්ලිමේන්තු මන්ත්‍රී නාමල් රාජපක්ෂ මහතාගෙන් රුපියල් බිලියන 2 ක වන්දියක් ඉල්ලා මහජන ආරක්ෂක නියෝජ්‍ය අමාත්‍ය සුනිල් වටගල එන්තරවාසියක් යවා තිබේ.

නියෝජ්‍ය අමාත්‍ය සුනිල් වටගලගේ උපදෙස් මත නීතිඥ මංජුල බාලසූරිය විසින් මෙම එන්තරවාසිය 2025 සැප්තැම්බර් 22 වැනිදා යවා ඇත.

මාධ්‍ය වාර්තාවලට අනුව, 2025 සැප්තැම්බර් 10 දිනැති මීට පෙර ලිපියකට ප්‍රතිචාර වශයෙන් මෙම එන්තරවාසිය යවා ඇති අතර, එහි පාර්ලිමේන්තු මන්ත්‍රී නාමල් රාජපක්ෂ ම වෙනුවෙන් පෙනී සිටින නීතිඥ සංඛ කරුණාරත්න සුනිල් වටගලගෙන් රුපියල් බිලියන 1ක වන්දියක් ඉල්ලා සිටියේය.

මාධ්‍ය සාකච්ඡාවකදී සුනිල් වටගල කළ ප්‍රකාශයක් නාමල් රාජපක්ෂගේ කීර්ති නාමයට හානි කළ බව පවසමින් නීතිඥ සංඛ කරුණාරත්න මූලික එන්තරවාසිය යවා ඇත.

ඊට ප්‍රතිචාර වශයෙන්, සුනිල් වටගලගේ නීති උපදේශකවරයා ප්‍රකාශ කළේ තම සේවාදායකයා කිසිදු අපහාසාත්මක ප්‍රකාශයක් කර නොමැති බවත්, නාමල් රාජපක්ෂ කීර්තිමත් පුද්ගලයකු නොවන බවත්, ක්‍රිෂ් ගනුදෙනුවේදී රුපියල් මිලියන 70ක මුදලක් අවභාවිත කිරීම සම්බන්ධයෙන් නීතිපතිවරයා දැනටමත් ඔහුට එරෙහිව අධිචෝදනා ගොනු කර ඇති බවත් පෙන්වා දුන් බවයි.

එබැවින්, කරන ලද කිසිදු ප්‍රකාශයක් ඔහුගේ කීර්ති නාමයට හානි කළ නොහැකි බවට තර්ක කරන ලද අතර, 2025 සැප්තැම්බර් 10 දිනැති එන්තරවාසිය විධිමත් ලෙස ප්‍රතික්ෂේප කරන ලදී.

නීතිමය ක්‍රියාමාර්ග අනුගමනය කරන්නේ නම්, ප්‍රති-හිමිකම් පෑමක් ගොනු කරන බවත්, නඩුව හරස් ඉල්ලීම් සමඟ ඉදිරියට යන බවත් ප්‍රතිචාරයේ සඳහන් විය.

මෙම ක්‍රියාදාමයන්ට අදාළ සියලුම නීතිමය වියදම් අධිකරණය හරහා නාමල් රාජපක්ෂගෙන් ඉල්ලා සිටිනු ඇත.

තම සේවාදායකයාට යවන ලද ඉල්ලීම් ලිපියේ අපහාසාත්මක ස්වභාවය නිසා, සුනිල් වටගල දැන් තම කීර්ති නාමයට සිදු වූ හානිය වෙනුවෙන් රුපියල් බිලියන 2ක වන්දියක් ඉල්ලා සිටින අතර එය දින හතක් ඇතුළත ගෙවිය යුතුය.

එම කාලය තුළ මුදල නොගෙවන්නේ නම්, තම සේවාදායකයාගේ උපදෙස් පරිදි සුදුසු සිවිල් අධිකරණයක නීතිමය ක්‍රියාමාර්ග ආරම්භ කරන බව ප්‍රතිචාරයේ තවදුරටත් සඳහන් විය.

නියෝජ්‍ය අමාත්‍යවරයා මෙම ප්‍රතිචාරය දැක්වුයේ, හෝමාගම පැවති මාධ්‍ය හමුවකදී සුනිල් වටගල විසින් මෑතකදී කරන ලද ප්‍රකාශයක් මගින් තමාගේ කීර්ති නාමයට හානියක් සිදු වූ බව පවසමින් පාර්ලිමේන්තු මන්ත්‍රී නාමල් රාජපක්ෂ වන්දි ඉල්ලා සිටීමෙන් පසුවය.

තම එන්තරවාසියේ දී පාර්ලිමේන්තු මන්ත්‍රී නාමල් රාජපක්ෂ චෝදනා කළේ එම ප්‍රකාශයෙන් තමා රටේ මත්ද්‍රව්‍ය සැපයුම් ජාලයට සම්බන්ධ බව හැඟෙන බවත් එමඟින් තමාට අපහාසයක් සිදු වන බවත්ය.