හිටපු සිවිල් ගුවන් සේවා අමාත්‍ය පියංකර ජයරත්නට එරෙහිව නඩු තුනක් ගොනු කර ඇති බව අල්ලස් හෝ දූෂණ චෝදනා විමර්ශන කොමිසම පවසයි.

ජනවාරි 8 වැනි දින කොළඹ මහාධිකරණය හමුවේ නඩු පැවරීම සිදුකර තිබේ.

එක් චෝදනාවකට අනුව, ශ්‍රී ලංකා සිවිල් ගුවන් සේවා අධිකාරියේ වියදමින් වෙසක් සුබපැතුම් පත් 3,000ක් මුද්‍රණය කිරීමෙන් අධිකාරියට රුපියල් 128,520ක පාඩුවක් සිදු කළ බවට හිටපු අමාත්‍යවරයාට චෝදනා එල්ල කර ඇත.

තවත් චෝදනාවකට දූෂණ වරදක් ඇතුළත් වන අතර, එහිදී ජයරත්න සිවිල් ගුවන් සේවා අධිකාරිය හරහා මහවැව වීහේන ෆාම් (පෞද්ගලික) සමාගමට රුපියල් 360,000ක් ගෙවීමට නියෝග කිරීමෙන් පාඩුවක් සිදු කළ බවට චෝදනා එල්ල වී තිබේ.

ඊට අමතරව, හලාවත ජාතික ඉතිරිකිරීමේ බැංකුවේ ගිණුමකට එම මුදල බැර කිරීමෙන් සිවිල් ගුවන් සේවා අධිකාරියට රුපියල් 494,000ක පාඩුවක් සිදු කළ බවට හිටපු අමාත්‍යවරයා චෝදනා එල්ල වී තිබේ.